Desiximos al “Principado” un plan de recuperanza de bienes inmatriculaos pola Ilesia

marzo 3, 2021

Andecha Astur desixe al “Principado” la ellaboración d’un llistáu completu y un plan de recuperanza de los bienes inmuebles asturianos inmatriculaos pola Ilesa católica. De nun ser asina, el gobierno del “Principado” sedríe cómpliz del procesu d’aprobación indebía por inmatriculaciones protagonizáu pola Ilesia católica n’Asturies

Pulsar sobre imagen para ampliar

Andecha Astur, 3 de marzo de 2021

El Gobiernu español dio a conocer apocayá un llistáu de bienes inmuebles asitiaos n’Asturies y que foron indebíamente inmatriculaos pola Ilesia católica, lo que valió pa reabrir temporalmente un pequeñu alderique social sobro la custión que, pasáu dalgún tiempu, abocanará comu asocedió otres vegaes.

Énte esta rialidá Andecha Astur, que yá denunciara ente la Unesco l’apropiación del prerrománicu asturianu, y protagonizó estremaes iniciatives al respeutu, quier esclariar dalgunos puntos:

El procesu d’apropiación indebía mediante inmatriculaciones que protagonizó la Ilesia católica n’Asturies ye d’una gravedá tremenda, pos indicios razonables permiten sospechar que la cifra d’inmuebles inmatriculaos ye’l triple de la reconocía pol gobiernu español (sólo 549), incluyendo la mayor parte de los monumentos del Arte Asturianu y fasta bienes inmuebles que nun teníen usu nin vinculación relixosa denguna.

El que los llistaos de bienes inmatriculaos seyan siempre enguedeyaos ya incompletos, débese tanto a la culposa política escurantista que caltién la Ilesia católica pa que nun se conozan les sos apropiaciones, comu a la complicidá del Gobiernu asturianu y del español cola Ilesia católica, cola que nun quieren confrontrar de manera dala.

Asturies nun pue permitise qu’una tema d’esta importancia política, social, cultural y económica, seya oxetu de minidebates intermitentes qu’enxamás algamen una solución política final, que resulte favoreceora pa los intereses públicos asturianos. Nin, por supuesto, de pautos tácitos ente gobiernos cómplices cola Ilesia católica. Lee el resto de esta entrada »


Andecha Astur denuncia énte la UNESCO les inmatriculaciones del prerrománicu asturianu

mayo 30, 2020

Andecha Astur Pide al Centru de Padremuñu Mundial de la Unesco la urxente incluxón na Llista del Padremuñu Mundial en Pelligru” de los elementos del Prerrománicu Asturianu que son Padremuñu Mundial y fueron inmatriculados pola ilesia católica

Palacio del Naranco > Historia en el Arte > Aula de Estudios ...

Interior Santa María del Naranco / Aula Regia o “Salón de Plenos”

Andecha Astur, 30 de mayo de 2020

Na denuncia presentada por Andecha Astur énte’l Centru de Padremuñu Mundial de la Unesco, recuérdase qu’Asturies cunta con seyes costrucciones monumentales del Arte Asturianu (tamién llamáu Prerrománicu Asturianu) que son Padremuñu Mundial reconocíu pola UNESCO, y que como tales, atópense sol amparu internacional que representa la Convención sobro la proteición del padremuñu mundial, cultural y natural”, aprobada pola Conferencia Xeneral de la Organización de les Naciones Xuníes pa la Educación, la Ciencia y la Cultura (París, 1972), a la que s’acoyó l’Estáu español en 1982.

Asina mesmo, rellátase’l procesu pol cual la ilesia católica inmatriculó inmuebles públicos como privaos, y cómo’l gobiernu del “Principado” foi cómpliz nesi procesu, negándose a facilitar el llistáu ellaboráu de manera oficial pol Colexu de Rexistradores de la Propiedá d’Asturies, nel que se recueyen diches inmatriculaciones, ente les que s’atopen dalgunos de los monumentos asturianos que la UNESCO declaró Padremuñu Mundial; ello ye, en dalgún momentu pasaron yá de ser un monumentu públicu a ser propiedá privao de la Ilesia católica.

L’apropiación de la titularidá d’esos monumentos supon el fin de los criterios que l’Alministración pública reconocía a efeutos de caltenimientu, rehabilitación, divulgación y disposición pa les visites y l’estudiu artísticu, científicu y téunicu de dichos monumentos; desconociéndose fasta’l momentu los criterios que va aplicar nestos aspeutos el nuevu propietariu priváu, la Ilesia católica.

L’Estáu español, permitiendo’l pasu de titularidá público a privao d’estos monumentos, incumplió l’artículu 5, lletra d, de la Convención sobro la proteición del padremuñu mundial, cultural y natural”, que, ente otres coses, obliga a los estaos a adoptar les midíes xurídiques y alministratives afayaíces pa, protexer y caltener esi padremuñu. Nel Estáu español l’Alministración pública permitió que se manipolie la propiedá pública d’esti padremuñu históricu pa convertilo en propiedá privao; ello ye, consintió perder la so titularidá y eso supon un altu factor de desproteición y riesgu pal futuru d’esos monumentos.

Ye por ello polo qu’Andecha Astur solicita al Centru de Padremuñu Mundial de la UNESCO: Lee el resto de esta entrada »


Andecha Astur lleva a fiscalía la ocultación de documentación d’inmatriculaciones de la ilesia católica

mayo 18, 2020

Responsabiliza de la ocultación del catálogu de bienes inmatriculaos n’Asturies pola ilesia católica, al presidente del gobiernu del “Principado”, a la conseyera de Cultura, Política Llingüística y Turismu, y a la Conseyera de Presidencia del “Principado”

Presentación denuncia / Andecha

Andecha Astur, 18 de mayo de 2020

La denuncia básase na ocultación del catálogu completu de bienes inmatriculaos n’Asturies pola Ilesia católica –que recueye 553 inmuebles-, ellaboráu pol Colexu Rexistraores d’Asturies y entregáu pol so Decanu al Gobiernu del “Principado” en fecha 10 d’abril de 2019.

Como se recordará, Berta Piñán, Conseyera de Cultura Política, Llingüística y Turismu, nes comparecencies del 27 febreru y 4 de marzu de 2020 ocultó la esistencia d’esa documentación, y presentó un vieyu llistáu con unos 26 bienes inmatriculaos.

Énte les reclamaciones habides, Rita Camblor, Conseyera de Presidencia del Gobiernu asturianu afirmó que yá remitiere el citáu catálogu a la Xunta Xeneral demientres la primavera de 2019, a lo que salió al pasu el Lletráu Mayor de la Xunta Xeneral confirmando por escrito que dichu catálogu reclamáu nun fuere remitíu en dengún momentu a la Xunta Xeneral pol Gobiernu asturianu.

Finalmente el 14 de mayu de 2020 el gobiernu asturianu, fexo entregada a la Xunta Xeneral del citáu catálogu.

Ello asina, dende’l 10 d’abril de 2019 fasta’l 14 de mayu de 2020 el Gobiernu asturianu caltuvo ocultu’l citáu catálogu, negando la so esistencia y posesión incluso cuando foi requeríu reiteradamente pa la so entrega por diputaos de la Xunta Xeneral del “Principado”

Ye por ello, polo qu’Andecha Astur, acoyéndose a la Llei Orgánica 10/1995 de 23 de payares del Codígu Penal, Llibru II sobro Delitos y les sos penes, llevó’l presente casu a Fiscalía, por un supuestu delitu d’ocultación de documentos, cometíu por Adrián Barbón, na so condición de presidente del Gobiernu del “Principado”, por  Berta Piñán, na so condición de conseyera de Cultura, Política Llingüistica y Turismu de dichu gobiernu y por Rita Camblor, na so condición de Conseyera de Presidencia del mesmu gobiernu.


 

En Norte.es

Sigue la polémica sobre el registro de monumentos prerrománicos por parte del arzobispado durante la pasada década. Andecha Astur ha presentado hoy una denuncia ante la fiscalía “acoyéndose a la Llei Orgánica 10/1995 de 23 de payares del Codígu Penal, Llibru II sobro Delitos y les sos penes, por un supuestu delitu d’ocultación de documentos, cometíu por Adrián Barbón, na so condición de presidente del Gobiernu del “Principado”, por  Berta Piñán, na so condición de conseyera de Cultura, Política Llingüistica y Turismu de dichu gobiernu y por Rita Camblor, na so condición de Conseyera de Presidencia del mesmu gobiernu”. Según el partido nacionalista “la denuncia básase na ocultación del catálogu completu de bienes inmatriculaos n’Asturies pola Ilesia católica –que recueye 553 inmuebles-, ellaboráu pol Colexu Rexistraores d’Asturies y entregáu pol so Decanu al Gobiernu del “Principado” en fecha 10 d’abril de 2019”.


Andecha Astur desixe l’inventariu de bienes inmatriculaos pola ilesia católica

mayo 14, 2020

L’escritu presentáu na Comisión de Pidíos y Drechos Fundamentales del “Principado”pide l’inventariu ellaboráu pol Colexu Rexistraores d’Asturies, que facilitó a l’alministración autonómica y qu’esta ñégase a facilitar.

El prerrománico de Santa María del Naranco, características

Santa María del Naranco / Imagen

Fuente, Andecha Astur, 14 de mayo de 2020

Acoyéndose a la Llei Orgánica 4/2001, regulaora del Drechu de Pidíu, Andecha Astur vien de presentar énte la Comisión de Pidíos y Drechos Fundamentales del “Principado” un escritu nel que se pide que la Que la Conseyería de Cultura, Política Llingüística y Turismu del “Principado” faiga públicu l’inventariu completu y actualizáu de los bienes inmatriculaos n’Asturies pola Ilesia católica, inventariu qu’ellaboró y facilitó a l’alministración “autonómica” el Colexu Rexistraores d’Asturies.

Andecha Astur pretende asina forzar a que la Conseyería de Cultura apurra’l documentu que la Conseyería de Presidencia del “Principado” reconoz tener nel so poder dende va más d’un añu, que nun entamu ñegaron tener, y que fasta la fecha ñéguense a facilitar, pesia la solicitú del mesmu pol Grupu d’Inmatriculaciones Asturies y la cordinaora estatal RECUPERANDO, a los qu’en cuentes del documentu solicitáu, facilitóse-yos “una única fueya a doble cara na que figuraben 26 bienes, polo xeneral inidentificables, ensin indicar nin direición nin descripción”.

Con esa llista, que nun inclúi los monumentos del prerrománicu, ye cola que Berta Piñán, Conseyera de Cultura, compareció va un mes nel parllamentu p’afirmar que “nun hai evidencies” de la inmatriculación de los bienes del prerrománicu, mentes tapecía la esistencia del inventariu éllaboráu pol Colexu de Rexistraores d’Asturies, que duplica’l númberu d’inmuebles afeutaos, ya inclúi los del prerrománicu asturianu.

Andecha Astur cola presentación del mencionáu escritu pretende determinar la magnitú del espoliu qu’al paecer provocó la ilesia católica al inmatricular al so nome la práutica totalidá de l’ayalga arquiteutónica del prerrománcu asturianu, ente otros inmuebles.


Reunión de cara a la constitución de una Plataforma en Defensa del Patrimonio Asturiano

abril 30, 2016

30 de abril de 2016

El pasado día 27, tuvo lugar, en Oviedo, una primera reunión a fin de constituir en Asturias una Plataforma en Defensa del Patrimonio Asturiano. Inicialmente contando con EQUO Asturias, PCA, Andecha Astur, Asturias Laica y La Asociación la Ciudadana, la futura Plataforma tiene intención de ir sumando otras asociaciones y grupos políticos a fin de ser lo más extensa y plural posible. Su objetivo será defender el patrimonio cultural e histórico de Asturias, centrándose en las agresiones que este puede sufrir por su privatización o expolio por intereses privados. Entre otras agresiones, sin lugar a dudas, el aprovechamiento de la ley hipotecaria por parte de la iglesia católica para la apropiación de inmuebles que pertenecen a los pueblos, y que son parte de nuestro patrimonio.

En sucesivas reuniones habrá que determinar forma jurídica, portavocías, metodología, etc.  La idea inicial es establecer un trabajo en una doble vertiente, por una parte, centrarse en el patrimonio relacionado con la iglesia (inmatriculaciones, edificios monumentales en situación crítica…) y por otra,  en el patrimonio arqueológico, (yacimientos, patrimonio industrial…).

IMG-20160429-WA0000

Uno de los actos iniciales fue el encuentro, el pasado día 29, con José María Esparza, miembro de la Plataforma en Defensa del Patrimonio Navarro, (de la que forman parte ya más de 200 Ayuntamientos, -Estella acaba de adherirse hace apenas quince días-), quien compartiría la experiencia navarra que había de abrir el camino a la investigación y difusión de la apropiación por la iglesia católica de bienes públicos y comunales.  En el encuentro-tertulia no faltaría la información del proceso seguido en Navarra, del punto en que se encuentra actualmente, e incluso de una batería de acciones posibles, algunas de las cuales ya están aplicándose en esa comunidad.

Para el mes de septiembre, la Plataforma navarra tiene pensado organizar, a lo largo de un fin de semana, un encuentro en Pamplona, a la que se invitará al resto de las Plataformas del Estado. De un primer encuentro, salió precisamente el libro de Jesús de Larrainzar “No robarás”, el Catecismo de la Inmobiliaria celestial. O cómo los obispos usurparon el patrimonio de los pueblos, publicado por su editorial.

Muchas ideas y planes de trabajo para iniciar un camino que se plantea largo, plagado de dificultades pero absolutamente necesario.

AUDIO

Encuentro con José María Esparza, fragmento