Milio RODRÍGUEZ CUETO
La Nueva España, 12 de septiembre
El 8 de setiembre, Javier Fernández fue a misa y llevó con él a Pedro Sanjurjo. Miento: a misa fueron el presidente del Gobiernu d’ Asturies y el de la Xunta Xeneral. Nos bancos delanteros de la basílica de Cuadonga, los dirixentes socialistes asistieron, devotos, protocolarios y ceremoniosos, al cultu del día de la Santina.
Apelar al artículu 16 de la Constitución española (el que fai referencia a 1′ aconfesionalidá del Estáu) ye una vulgaridá indigna del que suspire, como un servidor, por vese discípulu reconocíu de Chesterton. Les lleis son un argumentu cuando’ despreciamos la intelixenca ayena y nesa tentación nun hai que caer.
Naide podrá echa-yos en cara a Fernández y a Sanjurjo que, na intimidá cotidiana d´en casa, busquen la cama, a les nueches, recitando, píos: «Con Dios me acuesto, / con Dios me levanto, / con la Virgen María / y el Espíritu Santo.» Pero, pa en públicu, y nel exerciciu de les sos funciones, nun se pueden personar, callaos y formalinos (que ye una de les formes esternes qu’ adopta la sumisión) a oír les admoniciones que predique un clérigu, porque, cola corbata institucional alredor del pescuezu, sufren una transustanciación (y ésta auténtica), y ya nun son caún d’ ellos una persona, sinón munches embutíes nun únicu traxe azul-politicu: usté, y yo, y esa otra y aquel de más allá… los ciudadanos d’ Asturies, dellos católicos, sí, pero dellos otros monoteístes de palos distintos, munchos ateos y algún paganu sueltu, como’ 1 que suscribe. Y a estés últimes tres categoríes, que sumen tanta xente o más que la primera, oféndeles seriamente vese sometíes, por poderes y anque seya media hora namás, a 1′ autoridá vaticana. Cierto que, nun diendo a la misa del 8-S, Fernández y Sanjurjo diben dar pie al escándalu del sector tradicionalista. Pero ha¡ que ser mui católicu pa creer que se peca d’ omisión lo mesmo que d’ obra.
Jesús Sanz Montes, arzobispu del vieyu «conventum asturum», aprovechó la ocasión pa solta-y a 1′ audiencia de los bancos privilexaos una andanada antiabortista. Incluso arriesgó un conceptu nuevu: el «aborto.posparto», en referencia a lo que fue, ensin más, un intentu d’ asesinatu: el del neñu abandonáu na basura, va poco, pola madre. ¿Aborto ye más grave qu’ asesinatu? Paez que, na–cabeza de Sanz Montes, sí. Nun anduvo finu’1 clérigu, y non solo por mecer pecáu y delitu, verbigratia, Ilesia y Estáu. Tamién porque, d’ una parte, aquellos mansos qu’ atendíen pa les sos palabres poco pinten nos negocios lexislativos que regulen 1′ abortu. O 1′ obispu nun lo sabía, y entós perdió’1 tiempu, o sí lo sabía, y entós nun lu animaba a falar otru interés que1 de molestalos, cosa, poco correcta pa colos invitaos que recibimos en casa. D’otra parte, lo que se celebra’1 8 de setiembre ye una fiesta (igual la relixosa que la laica) d’esaltación asturiana. Recuérdase una victoria fundacional: la engarrada na qu’ unos remotos vecinos del monte Auseva (que dudo que fueren más cristianos que Toru Sentáu), blincando de peña en peña, achuquinaron a una partida d’ invasores pertenecientes a la que, daquella (y d´esta tovía), yera la ola más reciente del monoteísmu asiáticu, seguro que con vistosos escarnios y ocurrentes mutilaciones de les que salimos beneficiaos nun teniendo noticia. Sacar 1′ abortu a vueltes nesi contestu históricu y festivu ta tan fuera sitiu como predicar nun funeral contra la intemperancia (que, a toa esto, paez que fue la tacha que-y vieron en Roma a Chesterton pa nun lu canonizar).
